Calquera traballo que non cumpra con estas normas será descualificado automaticamente.

Excepto as fast compos, cuxo tema será anunciado durante a party, as outras producións pódense traer preparadas de antemán, e é o recomendable para poder desfrutala ao máximo.

Os materiais empregados nos concursos deben estar libres de dereitos de autor, é dicir, ser enteiramente creados polos mesmos participantes.

Os traballos deberán ser orixinais e libres de royalties. Ademais, non deben participar anteriormente en ningún outro concurso.

Non está permitido o uso de intelixencia artificial. Os traballos que a utilicen serán descualificados.

No caso de materiais que pertenzan ao dominio público, ou Creative Commons con posibilidade de derivativos, os participantes deben ter unha licenza válida para poder utilizalos (por exemplo, no caso de samples de audio ou fotografías comerciais, deben adquirir a licenza correspondente) e identificar este material no seu .txt adxunto.

Os ficheiros entregaranse nun ficheiro comprimido (ZIP) xunto cun .txt, cunha breve explicación (máximo 500 caracteres) dos programas e técnicas utilizadas.

Só se permitirá unha produción por autor e categoría (excepto no concurso de fotografía).

A presentación dos traballos realizarase baixo a licenza de utilización Creative Commons Attribution-NonCommercial-NoDerivs, aínda cando o autor indique unha licenza de utilización diferente ou ningunha.

Un xurado designado pola organización valorará os traballos presentados baseándose na súa técnica, orixinalidade e calidade artística e eventualmente poderán declarar deserta a competición en caso de considerar que a calidade dos traballos é insuficiente ou de mal gusto.

A participación na competición leva a aceptación das súas Normas e das decisións do xurado.

Entrega de traballos

Cada participante apuntarase e subirá a súa produción á Intranet á categoría á que desexe participar e poderá comprobar tranquilamente que a súa produción se subiu correctamente. En caso de non poder realizar a entrega a través deste medio poderase entregar a produción nun pendrive.

Aqueles traballos presentados que non poidan ser mostrados a través da compo machine deberán ir acompañados da máquina para a que foron desenvolvidos.

Apelacións

Todo participante na área de Arte Dixital que queira examinar os traballos presentados na actividade na que se presentou, poderá solicitalos presencialmente ao responsable de área, no prazo dunha hora despois da proxección en pantallas desa actividade.

O prazo de apelación rematará ás nove da mañá do último día do evento, no posto de control ou por correo electrónico:

Este enderezo de correo está a ser protexido dos robots de correo lixo. Precisa activar o JavaScript para velo. - Curtametraxe, Gráficos 3D, Ilustración Dixital, Música Dixital, Retoque Fotográfico, Concurso de Fotografía, Fast Compos (2D, 3D, Music, GIF, Curtametraxe), Concurso de dobraxes e AMV.

Se se produce unha apelación no prazo establecido, someterase a unha segunda valoración antes da entrega de premios, e o seu veredicto será inapelable.

Calquera cuestión non prevista nas bases será resolta polo xurado ou a organización.